Luk 21:12-17 | KaaIBT22L | STEP | Biraq bulardıń hámmesinen burın adamlar sizlerdi uslap alıp quwǵın qıladı, májilisxanalarǵa tapsırıp, qamaqqa saladı. Meniń atım ushın sizlerdi patshalar menen hákimlerdiń aldına alıp baradı.

‏ Luke 21:12-17

12 Biraq bulardıń hámmesinen burın adamlar sizlerdi uslap alıp quwǵın qıladı, májilisxanalarǵa tapsırıp, qamaqqa saladı. Meniń atım ushın sizlerdi patshalar menen hákimlerdiń aldına alıp baradı. 13 Sonda sizlerge Men tuwralı gúwalıq beriwge múmkinshilik tuwıladı. 14 Sonlıqtan ózlerińizdi qalay qorǵawdı aldın ala oylamawdı kewillerińizge túyip alıńlar. 15 Sebebi Men sizlerge sonday sheshenlik penen danalıq beremen, sizlerge qarsı shıqqanlardıń hesh qaysısı da qarsı sóyley de, sózlerińizdi biykarlay da almay qaladı. 16 Hátte, ata-ana, aǵa-ini, aǵayin-tuwǵan hám doslarıńız da sizlerge satqınlıq isleydi. Al geybirewlerińizdi óltiredi. 17 Meniń atım sebepli, sizlerdi hámme jek kóredi.