Luk 6:1-5 | KaaIBT22L | STEP | Bir Shabbat kúni Iysa biyday atızınıń arası menen ótip baratırǵanda, Onıń shákirtleri biyday masaqların úzip alıp, alaqanları menen uwqalap jey basladı.

‏ Luke 6:1-5

Shabbat kúni haqqında tartıs

(Mat 12:1-8; Mrk 2:23-28; 3:1-6)

1 Bir Shabbat kúni Iysa biyday atızınıń arası menen ótip baratırǵanda, Onıń shákirtleri biyday masaqların úzip alıp, alaqanları menen uwqalap jey basladı. 2 Geypara pariseyler olarǵa:

– Sizler nege Shabbat kúninde islewge bolmaytuǵın isti ^{▼▼ Shıǵ 34:21.} islep atırsızlar? – dedi.

3 Iysa olarǵa juwap berip:

– Ózi de, qasındaǵılar da ash bolǵanda Dawıttıń ne islegenin sizler oqımaǵansızlar ma? 4 Ol Qudaydıń Úyine kirip, tek ruwxaniylerge ǵana jewge bolatuǵın, usınılǵan nanlardı ózi de jegen, qasındaǵılarǵa da bergen emes pe? – dedi.

5 Jáne olarǵa:

– Adam Ulı Shabbat kúniniń de iyesi, – dedi.