Luk 6:43-45 | KaaIBT22L | STEP | – Jaman miywe beretuǵın jaqsı terek hám jaqsı miywe beretuǵın jaman terek joq.

‏ Luke 6:43-45

Terek miywesinen biliner

(Mat 7:17-20; 12:33-35)

43 – Jaman miywe beretuǵın jaqsı terek hám jaqsı miywe beretuǵın jaman terek joq. 44 Hár bir terek miywesinen bilinedi: hesh kim sheńgelden ánjir jıynamaydı, tikenlikten júzim termeydi. 45 Jaqsı adam kewlindegi jaqsı ǵáziynesinen jaqsılıq shıǵaradı, al jaman adam kewlindegi jaman ǵáziynesinen jamanlıq shıǵaradı. Adamnıń kewli nege tolıp tassa, awzınan sol shıǵadı.