Mar 13:32-37 | KaaIBT22L | STEP | – Sol kúndi yamasa sol saattı hesh kim de bilmeydi: aspandaǵı perishteler de, Uldıń Ózi de, tek ǵana Ákem biledi.

‏ Mark 13:32-37

Sol kúndi yamasa sol saattı hesh kim de bilmeydi

(Mat 24:36-44)

32 – Sol kúndi yamasa sol saattı hesh kim de bilmeydi: aspandaǵı perishteler de, Uldıń Ózi de, tek ǵana Ákem biledi. 33 Abaylańlar hám sergek bolıńlar ^{▼▼Bazı qoljazbalarda «…hám duwa etińler» degen sózler de bar.}, óytkeni sol waqıttıń qashan keletuǵının bilmeysizler. 34 Bul – bir adamnıń sayaxatqa ketip baratırıp, úyindegi xızmetshilerine basqarıwǵa biylik bergeni hám hár birine is tapsırıp, dárwaza qarawılına sergek bolıwdı buyırǵanına uqsaydı. 35 Solay etip, sergek bolıńlar! Sebebi úy iyesiniń keshte me, yarım aqshamda ma, qoraz shaqırǵanda ma, erte azanda ma, qashan keletuǵının bilmeysizler. 36 Ol kútilmegende kelip, sizlerdiń uyıqlap atırǵanıńızdı kórmesin. 37 Sizlerge aytatuǵınımdı hámmege aytaman: sergek bolıńlar!