Mar 14:22-26 | KaaIBT22L | STEP | Olar awqatlanıp otırǵanda, Iysa nandı alıp, Qudayǵa shúkirlik etti. Onı sındırıp, shákirtlerine berdi de: – Alıńlar, bul – Meniń denem,

‏ Mark 14:22-26

Iysanıń sońǵı keshesi

(Mat 26:26-30; Luk 22:14-23; 1Kor 11:23-25)

22 Olar awqatlanıp otırǵanda, Iysa nandı alıp, Qudayǵa shúkirlik etti. Onı sındırıp, shákirtlerine berdi de:

– Alıńlar, bul – Meniń denem, – dedi.

23 Soń keseni alıp, Qudayǵa shúkirlik bildirdi de, olarǵa berdi. Onnan hámmesi ishti. 24 Olarǵa:

– Bul – kóp adamlar ushın tógiletuǵın, jańa kelisimdi bekitetuǵın Meniń qanım. 25 Sizlerge shının aytıp turman: Qudaydıń Patshalıǵında jańasın ishetuǵın kúnime deyin, júzim ishimliginen qaytıp ishpeymen, – dedi.

26 Sońınan olar Qudaydı jırlaytuǵın qosıq aytıp, Záytún tawına ketti.