Mar 6:7-13 | KaaIBT22L | STEP | On eki shákirtin shaqırıp alıp, olardı ekew-ekewden jibere basladı hám olarǵa jawız ruwxlardı quwıp shıǵarıwǵa biylik berdi.

‏ Mark 6:7-13

7 On eki shákirtin shaqırıp alıp, olardı ekew-ekewden jibere basladı hám olarǵa jawız ruwxlardı quwıp shıǵarıwǵa biylik berdi. 8 Olarǵa:

– Jolǵa jalǵız tayaqtan basqa hesh nárse: nan da, dorba da, qaltalarıńızǵa aqsha da almańlar, 9 ayaqlarıńızǵa ayaq kiyim kiyseńler de, artıq kiyim almańlar, – dep buyırdı.

10 Ol jáne:

– Barǵan jerińizde qaysı úyge kirseńiz, ol jerden shıǵıp ketkenińizshe, sol úyde bolıńlar. 11 Eger bir jerde sizlerdi qabıl etpese hám sózlerińizdi tıńlamasa, sol jerden shıǵıp baratırıp, olarǵa eskertiw retinde, ayaqlarıńızdaǵı shańdı qaǵıp ketińler ^{▼▼ Bazı qoljazbalarda mına sózler de bar: «Sizlerge shının aytaman, húkim kúninde Sodom menen Gomoranıń awhalı sol qalanıń awhalınan jaqsıraq boladı».}, – dedi.

12 Shákirtler barıp, xalıqqa táwbe etiwdi járiyalap júrdi 13 hám kóp jinlerdi quwıp shıǵarıp, kóp awırıw adamlardı may menen sılap, olarǵa shıpa berdi.