Mar 9:42-48 | KaaIBT22L | STEP | – Jáne de, kim de kim Maǵan isenetuǵın mına kishkenelerdiń birewin azǵırsa, onıń moynına úlken digirman tası baylanıp teńizge taslanǵanı oǵan jaqsıraq boladı.

‏ Mark 9:42-48

Azǵırılıp gúna islemeń

(Mat 18:6-9; Luk 17:1-2)

42 – Jáne de, kim de kim Maǵan isenetuǵın mına kishkenelerdiń birewin azǵırsa, onıń moynına úlken digirman tası baylanıp teńizge taslanǵanı oǵan jaqsıraq boladı. 43 Eger seni qolıń azǵırsa, onı shawıp tasla. Eki qolıń menen dozaqqa, sónbes otqa taslanǵanıńnan góre, sholaq bolıp máńgilik ómirge eriskeniń jaqsıraq. [ 44 ^{▼▼ Bazı qoljazbalarda usı ayat 48-ayat penen birdey.}] 45 Eger seni ayaǵıń azǵırsa, onı shawıp tasla. Eki ayaǵıń menen dozaqqa taslanǵanıńnan góre, sholaq bolıp máńgilik ómirge eriskeniń jaqsıraq. [ 46 ^{▼▼ Bazı qoljazbalarda usı ayat 48-ayat penen birdey.}] 47 Eger seni kóziń azǵırsa, onı oyıp tasla. Eki kóziń menen dozaqqa taslanǵanıńnan góre, jalǵız kóziń menen Qudaydıń Patshalıǵına kirgeniń jaqsıraq. Dozaqta 48 «olardı jep atırǵan qurt ta ólmeydi, jandırıp atırǵan ot ta sónbeydi» ^{▼▼ Iysh 66:24.}.