‏ Nehemiah 11

Erusalim turǵınları

1Xalıq basshıları muxaddes qala Erusalimde qalıp, sol jerge ornalastı. Xalıqtıń onnan biriniń muxaddes qalaǵa, Erusalimge kelip jasawı ushın shek taslandı. Al qalǵan toǵız bólegi óz qalalarında qaldı. 2Jáne Erusalimde jasap qalıwdı qálegenlerdiń hámmesine xalıq pátiya berdi.

3Degen menen, bazı izraillılar, ruwxaniyler, lebiyliler, Ibadatxana xızmetshileri, Sulaymannıń xızmetshileriniń urpaǵınan bolǵanlar óz iyeliklerinde, Yahuda qalalarında jasadı. Erusalimde jasaytuǵın wálayat basshıları mınalar edi: 4Yahuda hám Benyamin urpaqlarınan bazıları Erusalimge ornalastı.

Yahuda urpaqlarınan: Peres násilinen Ataya. Ataya Uzziya ulı, Uzziya Zexariya ulı, Zexariya Amariya ulı, Amariya Shefatiya ulı, Shefatiya Mahalalel ulı edi. 5Shela násilinen Maaseya. Maaseya Barux ulı, Barux Kol-Xoze ulı, Kol-Xoze Xazaya ulı, Xazaya Adaya ulı, Adaya Ioyarib ulı, Ioyarib Zexariya ulı edi. 6Peres urpaqlarınan 468 adam Erusalimge ornalastı. Olar batır jawıngerler edi.

7Benyamin urpaǵınan:

Meshullam ulı Sallu. Meshullam Ioed ulı, Ioed Pedaya ulı, Pedaya Qolaya ulı, Qolaya Maaseya ulı, Maaseya Itiel ulı, Itiel Eshaya ulı edi. 8Salluǵa Gabbay hám Sallay qosılıp, hámmesi bolıp 928 adam boldı. 9Zixriy ulı Ioel olarǵa basshılıq etti, al Hassenua ulı Yahuda qalada Ioelden keyingi ekinshi basshı edi.

10Ruwxaniylerden: Ioyarib ulı Edaya, Yaxin, 11Qudaydıń Úyiniń bas xızmetshisi Seraya. Seraya Xilkiya ulı, Xilkiya Meshullam ulı, Meshullam Sadoq ulı, Sadoq Merayot ulı, Merayot Axitub ulı edi. 12Olardıń Qudaydıń Úyinde xızmet etetuǵın tuwısqanlarınıń sanı 822 adam.

Eroxam ulı Adaya. Eroxam Pelaliya ulı, Pelaliya Amsiy ulı, Amsiy Zexariya ulı, Zexariya Pashxur ulı, Pashxur Malkiya ulı edi. 13Adayanıń áwlad basshıları bolǵan tuwısqanları barlıǵı bolıp 242 adam.

Azarel ulı Amashsay. Azarel Axzay ulı, Axzay Meshillemot ulı, Meshillemot Immer ulı edi. 14Amashsaydıń batır jawınger bolǵan tuwısqanları 128 adam. Olardıń basshısı Haggedolim ulı Zabdiel edi.

15Lebiylilerden: Xashshub ulı Shemaya. Xashshub Azriqam ulı, Azriqam Xashabiya ulı, Xashabiya Bunniy ulı edi. 16Lebiylilerdiń basshılarınan Shabbetay hám Iozabad. Olar Qudaydıń Úyiniń sırtqı isleri menen shuǵıllanatuǵın edi. 17Mixa ulı Mattaniya táriyiplew duwasın alıp barıwshı bas jetekshi edi. Mixa Zabdiy ulı, Zabdiy Asaf ulı edi. Mattaniyanıń tuwısqanlarınan biri Baqbuqıya onnan keyingi ekinshi dárejeli xızmetshi edi. Jáne de, Shammua ulı Abda da bar edi. Shammua Galal ulı, Galal Edutun ulı edi. 18Muxaddes qalada jasaytuǵın lebiyliler barlıǵı bolıp 284 adam edi.

19Dárwaza qarawılları:

Dárwazalarda Aqqub, Talmon hám olardıń tuwısqanları náwbetshilik etetuǵın edi. Olar hámmesi bolıp 172 adam edi.

20Izraillılardıń, ruwxaniylerdiń hám lebiylilerdiń qalǵanları Yahudanıń barlıq qalaları boylap, óz úlesine tiygen jerde jasadı.

21Ibadatxana xızmetshileri Ofel tóbeshiginde jasadı. Olardı Sixa menen Gishpa basqardı.

22Lebiylilerdiń Erusalimdegi basshısı Baniy ulı Uzziy bolıp, Baniy Xashabiya ulı, Xashabiya Mattaniya ulı, Mattaniya Mixa ulı edi. Uzziy Qudaydıń Úyinde qosıq aytıw xızmetin atqarıp kelgen Asaftıń urpaqlarınan edi. 23Patshanıń qosıqshılarǵa bergen ayrıqsha pármanı bar edi. Qosıqshılarǵa hár kún ushın belgilengen muǵdarda qarjı ajıratılǵan edi.

24Yahuda ulı Zerax urpaqlarınan Meshezabel ulı Petaxiya Izrail xalqına baylanıslı barlıq islerde Persiya patshasınıń keńesshisi boldı.

Erusalimniń sırtındaǵılar

25Yahuda urıwınıń ayırım adamları óz atızlarına jaqın jerdegi qalalarda jasap qaldı. Olar: Kiryat-Arbada hám oǵan tiyisli awıllarda, Dibonda hám oǵan tiyisli awıllarda, Eqabseelde hám oǵan tiyisli awıllarda, 26Eshuada, Moladada, Beyt-Pelette, 27Xasar-Shualda, Beer-Shebada hám oǵan tiyisli awıllarda, 28Siklagta, Mexonada hám oǵan tiyisli awıllarda, 29En-Rimmonda, Sorada, Yarmutta, 30Zanoaxta, Adullamda hám oǵan tiyisli awıllarda, Laxishte hám oǵan tiyisli atızlarda, Azeqada hám oǵan tiyisli awıllarda jasap qaldı. Olar Beer-Shebadan Hinnom oypatlıǵına shekemgi jerlerge ornalastı.

31Benyamin urpaqları Geba, Mixmas, Ayya, Beyt-El hám onıń átirapındaǵı awıllarda, 32Anatot, Nob, Ananiya, 33Xasor, Rama, Gittayım, 34Xadid, Seboim, Neballat, 35Lod, Ono hám Ge-Xarashim oypatlıǵında jasadı. 36Yahuda jerinen kelgen lebiylilerdiń ayırım toparları benyaminliler arasına ornalastı.