‏ Numbers 7

Basshılardıń Jaratqan Iyege bergen sadaqaları

1Muwsa Shatırdı tigip bolǵannan soń, Shatırǵa hám onıń barlıq buyımlarına, jáne de, qurbanlıq orınǵa hám oǵan tiyisli barlıq buyımlarǵa may serpip, olardı baǵıshladı. 2Keyin Izraildıń kósemleri, dizimge alıw wazıypasın alıp barǵan áwlad hám urıw basshıları óz sıyların alıp keldi. 3Olardıń Jaratqan Iyege alıp kelgen sıyları ústi bastırılǵan altı arba hám on eki ógizden ibarat edi. Hár bir kósem bir ógizden hám hár bir eki kósem bir arbadan alıp kelgen edi. Kósemler bul sıyların shatırdıń aldına ákelip qoydı.

4Keyin Jaratqan Iye Muwsaǵa bılay dedi:

5– Bul sıylardı olardan qabıl etip al. Bulardı Ushırasıw shatırındaǵı xızmetlerde qollanıń. Lebiylilerdiń isleytuǵın xızmetlerine qarap, bulardı olarǵa bólip ber.

6Sonda Muwsa arba hám ógizlerdi alıp, lebiylilerge bólistirip berdi. 7Isleytuǵın xızmetleri boyınsha Gershon urpaǵına eki arba menen tórt ógiz, 8Merariy urpaǵına tórt arba menen segiz ógiz berdi. Merariy hám Gershon urpaqları ruwxaniy Xaronnıń ulı Itamardıń baqlawı astında xızmet qılatuǵın edi. 9Qohat urpaǵına bolsa, hesh nárse bermedi. Sebebi olardıń isleytuǵın xızmeti muxaddes buyımlardı iyninde kóterip, alıp júriw edi.

10Qurbanlıq orın maylanıp, baǵıshlanǵan waqıtta, kósemler ózleriniń basqa sıyların alıp keldi hám bulardı orınnıń aldına ákelip qoydı. 11Bul haqqında Jaratqan Iye Muwsaǵa: «Qurbanlıq orınnıń baǵıshlanıwı ushın hár kúni bir kósem óziniń sıyın usınsın», – degen edi.

12Birinshi kúni Yahuda urıwınan Amminadab ulı Naxshon sıyların usındı. 13Onıń ákelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı aralastırılǵan sapalı unǵa tolı edi. 14Tútetki toltırılǵan 10 shekel awırlıǵındaǵı bir altın tostaǵan, 15jandırılatuǵın qurbanlıq ushın bir buǵa, bir qoshqar, bir jasar erkek toqlı, 16gúna qurbanlıǵı ushın bir teke, 17tatıwlıq qurbanlıǵı ushın eki buǵa, bes qoshqar, bes teke, hár biri bir jasardan bolǵan bes erkek toqlı. Amminadab ulı Naxshonnıń alıp kelgen sıyları usılar edi.

18Ekinshi kúni Issaxar urıwınıń kósemi Suar ulı Netanel sıyların usındı. 19Onıń alıp kelgen sıyları mınalar edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı aralastırılǵan sapalı unǵa tolı edi. 20Tútetki toltırılǵan 10 shekel awırlıǵındaǵı bir altın tostaǵan, 21jandırılatuǵın qurbanlıq ushın bir buǵa, bir qoshqar hám bir jasar erkek toqlı, 22gúna qurbanlıǵı ushın bir teke, 23tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Suar ulı Netaneldiń alıp kelgen sıyları usılar edi.

24Úshinshi kúni Zebulon urıwınıń kósemi Xelon ulı Eliab sıyların usındı. 25Onıń alıp kelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı aralastırılǵan sapalı unǵa tolı edi. 26Tútetki toltırılǵan 10 shekel awırlıǵındaǵı bir altın tostaǵan, 27jandırılatuǵın qurbanlıq ushın bir buǵa, bir qoshqar hám bir jasar erkek toqlı. 28Gúna qurbanlıǵı ushın bir teke, 29tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Xelon ulı Eliabtıń alıp kelgen sıyları usılar edi.

30Tórtinshi kúni Ruben urıwınıń kósemi Shedeur ulı Elisur sıyların usındı. 31Onıń alıp kelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı menen aralastırılǵan sapalı unǵa tolı edi. 32Tútetki toltırılǵan 10 shekel awırlıǵındaǵı bir altın tostaǵan, 33jandırılatuǵın qurbanlıq ushın bir buǵa, bir qoshqar hám bir jasar erkek toqlı. 34Gúna qurbanlıǵı ushın bir teke, 35tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Shedeur ulı Elisurdıń alıp kelgen sıyları usılar edi.

36Besinshi kúni Shimon urıwınıń kósemi Surishadday ulı Shelumiel sıyların usındı. 37Onıń alıp kelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı menen aralastırılǵan sapalı unǵa tolı edi. 38Tútetki toltırılǵan 10 shekel awırlıǵındaǵı bir altın tostaǵan, 39jandırılatuǵın qurbanlıq ushın bir buǵa, bir qoshqar hám bir jasar erkek toqlı. 40Gúna qurbanlıǵı ushın bir teke, 41tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Surishadday ulı Shelumieldiń alıp kelgen sıyları usılar edi.

42Altınshı kúni Gad urıwınıń kósemi Dewel ulı Elyasaf sıyların alıp keldi. 43Onıń alıp kelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı aralastırılǵan sapalı unǵa tolı edi. 44Tútetki toltırılǵan 10 shekel awırlıǵındaǵı bir altın tostaǵan, 45jandırılatuǵın qurbanlıq ushın bir buǵa, bir qoshqar hám bir jasar erkek toqlı. 46Gúna qurbanlıǵı ushın bir teke, 47tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Dewel ulı Elyasaftıń alıp kelgen sıyları usılar edi.

48Jetinshi kúni Efrayım urıwınıń kósemi Ammihud ulı Elishama sıyların usındı. 49Onıń alıp kelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı menen aralastırılǵan sapalı unǵa tolı edi. 50Tútetki toltırılǵan 10 shekel awırlıǵındaǵı bir altın tostaǵan, 51jandırılatuǵın qurbanlıq ushın bir buǵa, bir qoshqar hám bir jasar erkek toqlı. 52Gúna qurbanlıǵı ushın bir teke, 53tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Ammihud ulı Elishamanıń alıp kelgen sıyları usılar edi.

54Segizinshi kúni Menashshe urıwınıń kósemi Pedasur ulı Gamaliel sıyların usındı. 55Onıń alıp kelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı aralastırılǵan sapalı unǵa tolı edi. 56Tútetki toltırılǵan 10 shekel awırlıǵındaǵı bir altın tostaǵan, 57jandırılatuǵın qurbanlıq ushın bir buǵa, bir qoshqar hám bir jasar erkek toqlı. 58Gúna qurbanlıǵı ushın bir teke, 59tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Pedasur ulı Gamalieldiń alıp kelgen sıyları usılar edi.

60Toǵızınshı kúni Benyamin urıwınıń kósemi Gidoniy ulı Abidan sıyların usındı. 61Onıń alıp kelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı menen aralastırılǵan sapalı unǵa tolı edi. 62Tútetki toltırılǵan 10 shekel awırlıǵındaǵı bir altın tostaǵan, 63jandırılatuǵın qurbanlıq ushın bir buǵa, bir qoshqar hám bir jasar erkek toqlı. 64Gúna qurbanlıǵı ushın bir teke, 65tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Gidoniy ulı Abidannıń alıp kelgen sıyları usılar edi.

66Onınshı kúni Dan urıwınıń kósemi Ammishadday ulı Axiezer sıyların usındı. 67Onıń alıp kelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı aralastırılǵan sapalı unǵa tolı edi. 68Tútetki toltırılǵan 10 shekel awırlıǵındaǵı bir altın tostaǵan, 69jandırılatuǵın qurbanlıq ushın bir buǵa, bir qoshqar hám bir jasar erkek toqlı. 70Gúna qurbanlıǵı ushın bir teke, 71tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Ammishadday ulı Axiezerdiń alıp kelgen sıyları usılar edi.

72On birinshi kúni Asher urıwınıń kósemi Oxran ulı Pagiel sıyların usındı. 73Onıń alıp kelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı aralastırılǵan sapalı unǵa tolı edi. 74Tútetki toltırılǵan 10 shekel awırlıǵındaǵı bir altın tostaǵan, 75jandırılatuǵın qurbanlıq ushın bir buǵa, bir qoshqar hám bir jasar erkek toqlı. 76Gúna qurbanlıǵı ushın bir teke, 77tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Oxran ulı Pagieldiń alıp kelgen sıyları usılar edi.

78On ekinshi kúni Naftaliy urıwınıń kósemi Enan ulı Axira sıyların usındı. 79Onıń alıp kelgen sıyları mınalardan ibarat edi: Muxaddes orın ólshemi menen 130 shekel awırlıǵındaǵı bir gúmis jalpaq tabaq, 70 shekel awırlıǵındaǵı bir gúmis qırma. Bul ekewi de ǵálle sadaqası ushın záytún mayı aralastırılǵan sapalı unǵa tolı edi. 80Tútetki toltırılǵan 10 shekel awırlıǵındaǵı bir altın tostaǵan, 81jandırılatuǵın qurbanlıq ushın bir buǵa, bir qoshqar hám bir jasar erkek toqlı. 82Gúna qurbanlıǵı ushın bir teke, 83tatıwlıq qurbanlıǵı ushın eki buǵa, bes qoshqar, bes teke hám hár biri bir jasardan bolǵan bes erkek toqlı. Enan ulı Axiranıń alıp kelgen sıyları usılar edi.

84Solay etip, qurbanlıq orın maylanǵan waqıtta, Izrail kósemleriniń orındı baǵıshlaw ushın alıp kelgen sıyları mınalar edi: on eki gúmis jalpaq tabaq, on eki gúmis qırma, on eki altın tostaǵan. 85Hár bir gúmis jalpaq tabaqtıń awırlıǵı 130 shekelden, hár bir qırmanıń awırlıǵı 70 shekelden edi. Muxaddes orın ólshemi menen gúmis ıdıslardıń barlıǵınıń awırlıǵı 2400 shekel boldı. 86Tútetki toltırılǵan on eki altın tostaǵannıń hár biriniń awırlıǵı Muxaddes orın ólsheminde 10 shekel edi. Barlıq altın tostaǵanlardıń awırlıǵı 120 shekel boldı. 87Jandırılatuǵın qurbanlıq ushın ǵálle sadaqası menen birge usınılǵan haywanlardıń sanı on eki buǵa, on eki qoshqar hám bir jasardan bolǵan on eki erkek toqlı, gúna qurbanlıǵı ushın da on eki teke. 88Tatıwlıq qurbanlıǵı ushın usınılǵan haywanlardıń sanı jigirma tórt buǵa, alpıs qoshqar, alpıs teke hám hár biri bir jasardan bolǵan alpıs erkek toqlı edi. Qurbanlıq orın maylanǵannan soń, orınnıń baǵıshlanıwı ushın berilgen sıylar usılar edi.

89Muwsa Jaratqan Iye menen sóylesiw ushın Ushırasıw shatırına kirgende, Kelisim sandıǵınıń qaqpaǵınıń ústindegi eki kerub ▼

▼ Kerub – qanatlı ruwxıy barlıq.

músini arasınan ózine sóylegen dawıstı esitetuǵın edi. Jaratqan Iye Muwsa menen usı tárizde sóylesetuǵın edi.