Psalms 107
(Zab 56:8-12; 59:7-14)
1Qosıq. Dawıttıń jırı2Júregim Saǵan sadıq, Quday,
Pútkil janım menen Seni jırlap, saz shertemen.
3Oyan, háy arfa hám lira,
Erte tańdı men oyatayın!
4Xalıqlar arasında Seni alǵıslayman, Jaratqan Iye,
Milletler arasında saz shertip, Saǵan alǵıs aytaman.
5Súyispenshiligiń kóklerden asar,
Sadıqlıǵıń bultlarǵa tiyer.
6Kókten de joqarı ullılana ber, Quday,
Dańqıń pútkil jer júzine jayılsın!
7Oń qolıń menen jeńis ber, meni esit,
Óz súygenleriń qutqarılsın!
8Quday Muxaddes mákanında bılay dedi:
«Yoshlanıp, Shexemdi bólemen,
Sukkot oypatlıǵın ólshep beremen.
9Gilad Menikidur, Menashshe de Meniki,
Efrayım duwlıǵam, Yahuda húkimdarlıq hasam.
10Moab juwınatuǵın lágenim,
Edomǵa ayaq kiyimimdi taslayman,
Filist jerinde jeńis dabılın qaǵaman».
11Kim meni bekinisli qalaǵa alıp baradı?
Kim maǵan Edomǵa deyin jol kórsetedi?
12Quday, Sen emesseń be?
Biraq Sen bizlerden júz burdıń.
Áskeriy ordamızǵa basshılıq etpey qoydıń.
13Dushpanǵa qarsı gúreste járdem ber,
Adamzattıń járdemi biyhudadur.
14Quday, Seniń járdemiń menen qaharmanlıq kórsetemiz,
Dushpanlarımızdı basqılap taslaysań.
Copyright information for
KaaIBT22L