Psalms 110
1Haliluya!Haq adamlardıń jıyınında,
Jámiyet ishinde,
Pútkil júregim menen Jaratqan Iyeni táriyipleymen.
2Jaratqan Iyeniń isleri ullı,
Olardan lázzet alatuǵınlar olardı izertleydi.
3Onıń isleri saltanatlı hám ullı,
Ádalatlıǵı máńgige dawam etedi.
4Jaratqan Iye umıtılmas ájayıp isler qıldı,
Ol miyrimli hám rehimli.
5Ózinen qorqatuǵınlarǵa nan beredi,
Dúzgen kelisimin hesh waqıtta umıtpaydı.
6Basqa xalıqlardıń jerlerin Óz xalqına berip,
Kórsetti olarǵa qúdiretli islerin.
7Islegen hár bir isinde sadıq hám ádil,
Onıń barlıq pármanları isenimli.
8Bular máńgi-baqıy bekkem turadı,
Sadıqlıq hám ádalatlıq penen orınlanıwı tiyis.
9Ol Óz xalqın azat etti,
Olar menen máńgige kelisim dúzdi.
Onıń atı muxaddes hám aybatlıdur.
10Jaratqan Iyeden qorqıw – danalıqtıń bası,
Onıń buyrıqların orınlaǵannıń hámmesi,
Aqıl-parasattıń iyesi boladı.
Oǵan máńgi alǵıs-maqtaw aytıladı!
Copyright information for
KaaIBT22L