Psalms 114
1Jaratqan Iyeni súyemen,Ol dadımdı esitedi.
2Maǵan qulaq túrgeni ushın,
Ómirim boyı, Onı shaqıraman.
3Ólim arqanları meni orap aldı,
Óliler mákanınıń qorqınıshı qıynadı,
Meni hásiret hám qayǵı bastı.
4Sonda Jaratqan Iyeniń atın aytıp shaqırdım,
«O Jaratqan Iye, janımdı qutqar!» – dedim.
5Jaratqan Iye mehriban hám ádil,
Qudayımız rehimli.
6Jaratqan Iye sada adamlardı saqlaydı,
Qáwip-qáterde qalǵanımda, meni qutqaradı.
7Háy, janım, jáne ráhátlen,
Jaratqan Iye saǵan jaqsılıq qıldı.
8Jaratqan Iye, Sen janımdı ólimnen,
Kózlerimdi jastan,
Ayaqlarımdı súrnigiwden saqladıń.
9Tirilerdiń áleminde,
Jaratqan Iyeniń dárgayında júremen.
Copyright information for
KaaIBT22L