Psalms 128
1Ibadatxanaǵa baratırǵanda aytılatuǵın jır«Dushpanlarım jaslıǵımnan meni kóp jábirledi»,
Izrail bılay dep aytsın,
2«Awa, olar jaslıǵımnan meni kóp jábirledi,
Biraq meni jeńe almadı.
3Jer aydawshılar arqamda qos aydadı,
Uzın qarıqtay etip, iz qaldırdı.
4Biraq Jaratqan Iye ádildur,
Qırqıp tasladı jawızlardıń arqanların».
5Siondı jek kóretuǵınlardıń hámmesi,
Shermende bolıp, artqa sheginsin.
6Olar óspey atırıp, quwrap qalatuǵın,
Tam ústindegi shópke uqsap qalsın.
7Buǵan oraqshılardıń qısımı tolmaydı,
Bawlawshılardıń qushaǵı tolmaydı.
8Sonda joldan ótken-ketkenler:
«Jaratqan Iye sizlerdi jarılqasın,
Jaratqan Iyeniń atı menen sizlerge aq pátiya beremiz», – dep aytpaydı.
Copyright information for
KaaIBT22L