Psalms 53
1–2Atqarıwshılardıń jetekshisine. Tarlı saz ásbaplarında aytıladı. Zifliler Shauldıń aldına barıp: «Dawıt bizlerdiń aramızda jasırınıp júripti», – degende ▼, Dawıttıń aytqan násiyat jırı
3Quday, meni atıń menen qutqar,
Kúsh-qúdiretiń menen huqıqımdı qorǵa!
4Quday, duwamdı esite gór,
Qulaq sal awzımnan shıqqan sózlerge.
5Ózge jurtlılar maǵan qarsı bas kóterdi,
Zalımlar almaqshı meniń janımdı,
Olar Seni pisent etpeydi. Selah
6Mine, Quday meniń járdemshimdur,
Janımdı qollap quwatlaytuǵın Iyemdur.
7Ol dushpanlarımnıń jawızlıǵın ózlerine qaytarar,
Qudayım, sadıqlıǵıń haqı olardı qırıp tasla!
8Saǵan óz ıqtıyarım menen qurbanlıq usınaman,
Atıńdı táriyipleymen, Jaratqan Iye, óytkeni ol iygidur.
9Qutqardıń meni hár túrli apatlardan,
Kózlerim kórdi dushpanlarımnıń jeńilisin.
Copyright information for
KaaIBT22L