Psalms 74
1Atqarıwshılardıń jetekshisine. «Joq etpe» namasına aytıladı. Asaftıń jırı. Qosıq2Alǵıslaymız Seni, Quday, alǵıslaymız,
Atıń Seniń bizlerge jaqın,
Adamlar ájayıp islerińdi járiyalaydı.
3Quday bılay deydi: «Belgilengen waqıt kelgende,
Ádillik penen qazılıq etemen.
4Jer júzi hám onda jasaytuǵınlar shayqaladı,
Biraq bekkem qıldım onıń sútinlerin. Selah
5„Maqtanbań!“– dedim maqtanshaqlarǵa,
Nahaqlarǵa: „Kókirek kótermeń!
6Kókiregińizdi joqarı kótermeń!
Menmenlik penen sóylemeń!“– dedim».
7Shıǵıstan da, batıstan da,
Tawlı shólden de húkim shıqpas.
8Biraq qazılıq etiwshi Quday,
Birin tómenletip, ekinshisin joqarılatar.
9Jaratqan Iye qolında bir kese uslap tur,
Ol dámli aralaspalı kópirgen sharapqa tolı.
Onnan jer júzindegi barlıq nahaqlarǵa quyadı,
Olar túbine deyin onı ishedi.
10Al men Onıń islerin máńgi járiyalayman,
Saz shertip, Yaqıptıń Qudayına alǵıs aytaman.
11Ol barlıq nahaqlardıń kókiregin basadı,
Haq adamlardıń kúshin joqarılatadı.
Copyright information for
KaaIBT22L