Psalms 100
1Dawıttıń jırıSúyispenshilik hám ádillikti qosıq qılıp aytaman,
Saz shertip, Seni alǵıslayman, Jaratqan Iye.
2Minsiz joldan júriwge dıqqatlı bolaman,
Maǵan qashan keleseń?
Pák júrek penen ómir súremen úyimde.
3Jerkenishli nárseden kózlerim jıraq boladı,
Qıysıq jollardı jaman kóremen,
Onday islerdiń maǵan jabısıwına jol qoymayman.
4Azǵın júrek mennen awlaq bolsın,
Jawızlıqtı biliwdi de qálemeymen.
5Dostınıń artınan mısh-mısh aytqannıń únin óshiremen,
Tákabbir hám menmen adamlarǵa taqatım joq.
6Kózim eldegi sadıq adamlardıń ústinde boladı,
Olardıń janımda bolıwın qáleymen,
Minsizlik jolınan júretuǵın adam,
Maǵan xızmet etedi.
7Hiylekerlik qılatuǵın meniń sarayımda jasamaydı,
Ótirik sóyleytuǵın kóz aldımda tura almaydı.
8Hár tańda eldegi jawızlardı joq qılaman,
Barlıq zalımlardı Jaratqan Iyeniń qalasınan joq qılaman.
Copyright information for
KaaIBT22L