Psalms 11
1Atqarıwshılardıń jetekshisine. Tómengi dawısta aytılatuǵın Dawıttıń jırı2Qutqar meni, Jaratqan Iye, sadıq qulıń qalmadı,
Isenimli adamlar joq boldı.
3Hámme bir-birine jalǵan sóyler,
Eki júzlilik qılıp, jalataylıq qılar.
4Jaratqan Iye kessin eki júzlilerdiń tillerin,
Maqtanshaq awızlardı jawıp taslasın.
5Olar: «Tilimiz benen jeńiske erisemiz,
Kim bizge xojayınlıq qıladı?» – dep aytadı.
6Jaratqan Iye bılay deydi:
«Biysharalar zulımlıq kórdi,
Jarlılar hásiret shekti. Endi qozǵalaman,
Ózleri umtılǵan qutqarılıwdı beremen».
7Jaratqan Iyeniń sózleri pákdur,
Onıń sózleri megzer,
Jeti márte oshaqta tazalanǵan gúmiske.
8Jaratqan Iye, Sen olardı qorǵaysań,
Jawız násillerden bárqulla saqlaysań!
9Adamlar arasında jamanlıq maqtalǵanda,
Tolıp júrer jawızlar hár tárepte.
Copyright information for
KaaIBT22L