Psalms 112
1Haliluya!Alǵıslar aytıń, háy Jaratqan Iyeniń qulları,
Jaratqan Iyeniń atına alǵıslar aytıń!
2Házir hám máńgige,
Jaratqan Iyeniń atına alǵıslar bolsın!
3Shıǵıstan batısqa deyin,
Jaratqan Iyeniń atına alǵıslar bolsın!
4Jaratqan Iye barlıq milletlerden bálentte,
Onıń saltanatı kóklerden de joqarı.
5Joqarıda taxtta otırǵan,
Qudayımız Jaratqan Iyege kim teńlese aladı?
6Ol iyilip qaraydı,
Kóktegilerge hám jer júzindegilerge.
7Jarlını topıraqtan kóterip alıp,
Biysharanı taslandı arasınan alıp shıǵadı.
8Olardı otırǵızadı aqsúyekler menen,
Xalqınıń aqsúyekleri menen.
9Biyperzent hayaldı óz úyinde jarılqap,
Oǵan perzent sıylap, baxıtlı qıladı.
Haliluya!
Copyright information for
KaaIBT22L