Psalms 113
1Izrail Mısırdan shıqqanda,Yaqıptıń urpaǵı tili basqa xalıqtan ketkende,
2Yahuda Jaratqan Iyeniń muxaddes jeri,
Izrail Onıń patshalıǵı boldı.
3Teńiz olardı kórip, artqa shegindi ▼,
Iordan dáryası terisine aqtı ▼.
4Tawlar qoshqarlar sıyaqlı,
Tóbeshikler qozılar kibi sekirdi ▼.
5Háy, teńiz, ne ushın artqa shegindiń?
Háy, Iordan, ne ushın teris qaray aqtıń?
6Háy, tawlar, ne ushın qoshqar sıyaqlı,
Háy, tóbeshikler, ne ushın qozı kibi sekirdiń?
7Titire, háy jer júzi, Iyeniń aldında,
Yaqıptıń Qudayınıń aldında.
8Ol jartastı suw háwizine,
Qattı tastı bulaqqa aylandırdı ▼.
9Bizlerdiń emes, Jaratqan Iye, bizlerdiń emes,
Súyispenshiligiń hám sadıqlıǵıń haqı,
Seniń atıń dańqqa bólensin!
10Ne ushın basqa xalıqlar:
«Olardıń Qudayı qayaqta?» – dep aytıwı kerek?
11Bizlerdiń Qudayımız kóklerde,
Ol neni qálese, sonı isleydi.
12Al olardıń butları gúmis hám altınnan,
Adamnıń qolları menen soǵılǵan.
13Awızları bar, sóylemeydi,
Kózleri bar, kórmeydi,
14Qulaqları bar, esitpeydi,
Murınları bar, iyis sezbeydi,
15Qolları bar, biraq sezbeydi,
Ayaqları bar, júrmeydi,
Tamaqlarınan dawıs shıǵara almaydı.
16Olardı soqqan, olarǵa isengenlerdiń hámmesi,
Solar sıyaqlı bolıp qaladı!
17Izrail xalqı, Jaratqan Iyege úmit baylań,
Ol járdemshińiz hám qalqanıńızdur!
18Xaron urpaǵı, Jaratqan Iyege úmit baylań,
Ol járdemshińiz hám qalqanıńızdur!
19Jaratqan Iyeden qorqatuǵınlar, Jaratqan Iyege úmit baylań,
Ol járdemshińiz hám qalqanıńızdur!
20Jaratqan Iye bizlerdi yadında tutıp, jarılqaydı,
Izrail xalqın jarılqaydı,
Xaron urpaǵın jarılqaydı.
21Úlkendi-kishini,
Ózinen qorqatuǵınlardıń hámmesin jarılqaydı.
22Sizlerdiń hám balalarıńızdıń sanın,
Jaratqan Iye kóbeytsin!
23Aspan hám jerdi dóretken Jaratqan Iye,
Sizlerdi jarılqasın!
24Kókler Jaratqan Iyege tiyisli,
Al jer júzin Ol adamlarǵa berdi.
25Marhumlar, únsizlik mákanına túskenler,
Jaratqan Iyege alǵıslar aytpaydı.
26Bizler Jaratqan Iyeni alǵıslaymız,
Házirden baslap máńgige deyin.
Haliluya!
Copyright information for
KaaIBT22L