‏ Psalms 115

1«Qattı azap shegip atırman», – degenimde de,
Men isenimimdi joytpadım.
 2Asıǵıp, albıraǵanımda,
«Barlıq adamlar ótirikshi», – dedim.

3Maǵan qılǵan sonshelli kóp jaqsılıqların,
Jaratqan Iyege qalay qaytaraman?
 4Qutqarǵanı ushın ishimlik sadaqasın usınaman,
Jaratqan Iyeniń atın aytıp shaqıraman.
 5Pútkil xalqınıń aldında,
Jaratqan Iyege aytqan antımdı orınlayman.

6Sadıq qullarınıń ólimi,
Jaratqan Iyeniń názerinde qımbatlıdur.
 7O Jaratqan Iye, shınında men Seniń qulıńman,
Shorıńnıń ulıman,
Sen meni buǵawdan azat ettiń.

8Minnetdarshılıq qurbanlıǵın Saǵan usınıp,
Seniń atıńdı aytıp shaqıraman, Jaratqan Iye.
 9– 10Jaratqan Iyeniń Úyiniń háwlisinde,
Erusalim, seniń qaq ortańda,
Pútkil xalıqtıń aldında,
Jaratqan Iyege aytqan antımdı orınlayman.

Haliluya!
Copyright information for KaaIBT22L