Psalms 121
1Ibadatxanaǵa baratırǵanda aytılatuǵın Dawıttıń jırı«Jaratqan Iyeniń Úyine barayıq», – dep,
Maǵan aytqanda, quwanıp kettim.
2Erusalim, dárwazalarıńnıń ishine qádem bastıq!
3Diywalları bir-biri menen tutasqan,
Erusalim bekkem qala bolıp salınǵan.
4Izrailǵa berilgen nızam boyınsha,
Jaratqan Iyeniń atına alǵıs aytıw ushın,
Urıwlar, Jaratqan Iyege tiyisli urıwlar,
Ol jerge kóterilip baradı.
5Ol jerde húkim taxtları,
Dawıt urpaǵınıń taxtları qurılǵan.
6Tınıshlıq tileń Erusalimge:
«Seni súyetuǵınlar tınısh ómir súrsin!
7Seniń diywallarıńnıń ishinde tınıshlıq,
Qorǵanlarıńda biyqáterlik bolsın!»
8Tuwısqanlarım hám doslarım haqı,
«Tınıshlıq bolsın saǵan!» – deymen.
9Qudayımız Jaratqan Iyeniń Úyi haqı,
Saǵan iygilik tileymen.
Copyright information for
KaaIBT22L