Psalms 123
1Ibadatxanaǵa baratırǵanda aytılatuǵın Dawıttıń jırıIzrail bılay dep aytsın:
«Eger Jaratqan Iye bizler tárepte bolmaǵanda,
2Awa, Jaratqan Iye bizler tárepte bolmaǵanda,
Adamlar bizlerge hújim qılǵanda,
3Ǵázepleri bizlerge qarsı lawlaǵanda,
Olar bizlerdi tiriley jutar edi.
4Topan suw bizlerdi juwıp taslar edi,
Seller ústimizden basıp keter edi.
5Qutırǵan suwlar bizlerdi basıp keter edi».
6Olardıń tislerine bizlerdi olja qılmaǵan Jaratqan Iyege,
Alǵıslar bolsın!
7Ańshınıń duzaǵınan qutılǵan quslarǵa uqsaymız,
Duzaq sınıp, bizler qutıldıq.
8Aspan hám jerdi jaratqan,
Jaratqan Iyeniń atınan bizge járdem keledi.
Copyright information for
KaaIBT22L