‏ Psalms 134

1Haliluya!

Jaratqan Iyeniń atına alǵıs-maqtawlar aytıń!
Jaratqan Iyeniń qulları, alǵıs-maqtawlar aytıń,
2Háy, sizler, Jaratqan Iyeniń Úyinde,
Qudayımızdıń Úyiniń háwlisinde xızmet qılatuǵınlar!
3Jaratqan Iyege alǵıs-maqtawlar aytıń,
Jaratqan Iye – iygilikli.
Onıń atına arnap, saz shertip, alǵıs aytıń,
Onıń atı súykimli.
4Jaratqan Iye Óziniki etip Yaqıp urpaǵın,
Óz ǵáziynesi etip Izraildı tańladı.

5Bilemen, Jaratqan Iye ullıdur,
Iyemiz barlıq qudaylardan mártebelidur.
6Kóklerde, jer júzinde,
Teńizlerde, pútkil túpsizliklerde,
Jaratqan Iye neni qálese, sonı isleydi.
7Jer júziniń shetinen bultlardı kóterer,
Jawın ushın shaqmaq shaqtırar,
Teleklerinen samal estirer.

8Mısırda birinshi tuwılǵanlardı,
Adamlardan baslap haywanlarǵa deyin óltirdi ▼

▼ Shıǵ 12:29-30.

.
9Faraon hám onıń xızmetkerlerine qarsı,
Mısırdıń ortasında belgiler hám káramatlar kórsetti ▼

▼ Shıǵ 7:8–11:10.

.
10Ol kóp milletlerdi qırıp tasladı,
Qúdiretli patshalardı óltirdi:
11Amor patshası Sixondı,
Bashan patshası Ogtı,
Pútkil Qanan patshalıqların ▼

▼ San 21:21-35; Nzm 2:24–3:11.

.
12Olardıń jerlerin múlik etip,
Awa, múlik etip xalqı Izrailǵa berdi.

13Jaratqan Iye, Seniń atıń máńgi turadı,
Áwladtan-áwladqa Seni shaqıradı.
14Jaratqan Iye xalqın qorǵap,
Qullarına rehim qıladı.

15Xalıqlardıń butları gúmis hám altınnan,
Adamnıń qolları menen soǵılǵan.
16Awızları bar, sóylemeydi,
Kózleri bar, kórmeydi,
17Qulaqları bar, esitpeydi,
Hátteki, dem ala almaydı.
18Olardı soqqan, olarǵa isengenlerdiń hámmesi,
Solar sıyaqlı bolıp qaladı!

19Háy, Izrail xalqı, Jaratqan Iyege alǵıslar aytıń!
Háy, Xaron urpaǵı, Jaratqan Iyege alǵıslar aytıń!
20Háy, Lebiy urpaǵı, Jaratqan Iyege alǵıslar aytıń!
Háy, Jaratqan Iyeden qorqatuǵınlar, Oǵan alǵıslar aytıń!
21Erusalimde ornalasqan Jaratqan Iyege,
Sionda alǵıslar bolsın!

Haliluya!