‏ Psalms 135

1Jaratqan Iyeni táriyipleń, Ol iygilikli,
Sadıqlıǵı máńgi dawam etedi.
2Alǵıs aytıń qudaylar Qudayına,
Sadıqlıǵı máńgi dawam etedi.
3Minnetdarshılıq bildiriń iyeler Iyesine,
Sadıqlıǵı máńgi dawam etedi.

4Jalǵız Ol káramatlı isler isleydi,
Sadıqlıǵı máńgi dawam etedi.
5Danalıq penen kóklerdi jarattı,
Sadıqlıǵı máńgi dawam etedi.
6Jerdi suwlar ústine ornattı,
Sadıqlıǵı máńgi dawam etedi.
7Ullı jaqtılıqlardı jarattı,
Sadıqlıǵı máńgi dawam etedi.
8Kúndizdi basqarıw ushın quyashtı jarattı,
Sadıqlıǵı máńgi dawam etedi.
9Túndi basqarıw ushın ay hám juldızlardı jarattı,
Sadıqlıǵı máńgi dawam etedi.

10Mısırdıń birinshi tuwılǵanların óltirdi ▼

▼ Shıǵ 12:29-30.

,
Sadıqlıǵı máńgi dawam etedi.
11Izraildı Mısırdan alıp shıqtı ▼

▼ Shıǵ 6:6; 13:3-4.

,
Sadıqlıǵı máńgi dawam etedi.
12Bunı kúshli hám qúdiretli qolın sozıp, júzege asırdı,
Sadıqlıǵı máńgi dawam etedi.
13Qızıl teńizdi ekige bóldi,
Sadıqlıǵı máńgi dawam etedi.
14Izraildı teńizdiń ortası menen alıp ótti,
Sadıqlıǵı máńgi dawam etedi.
15Faraon hám onıń láshkerlerin,
Qızıl teńizge batırıp jiberdi ▼

▼ Shıǵ 14:1-31.

,
Sadıqlıǵı máńgi dawam etedi.
16Óz xalqın shól arqalı alıp júrdi,
Sadıqlıǵı máńgi dawam etedi.
17Ullı patshalardı qıyrattı,
Sadıqlıǵı máńgi dawam etedi.
18Qúdiretli patshalardı joq qıldı,
Sadıqlıǵı máńgi dawam etedi.
19Amor patshası Sixondı óltirdi,
Sadıqlıǵı máńgi dawam etedi.
20Bashan patshası Ogtı óltirdi ▼

▼ Shıǵ 21:21-35; Nzm 2:24–3:11.

,
Sadıqlıǵı máńgi dawam etedi.
21Olardıń jerlerin múlik qılıp berdi,
Sadıqlıǵı máńgi dawam etedi.
22Qulı Izrailǵa múlik qılıp berdi,
Sadıqlıǵı máńgi dawam etedi.

23Jaǵdayımız tómenlegende, bizlerdi esledi,
Sadıqlıǵı máńgi dawam etedi.
24Jawlarımızdan bizlerdi qutqardı,
Sadıqlıǵı máńgi dawam etedi.
25Barlıq janzatlardı azıqlandıradı,
Sadıqlıǵı máńgi dawam etedi.

26Alǵıs aytıń kóklerdiń Qudayına,
Sadıqlıǵı máńgi dawam etedi.