Psalms 136
1Babilondaǵı dáryalardıń boyında otırıp,Siondı eslep, jıladıq.
2Dógerektegi tallarǵa,
Liralarımızdı ildirip qoydıq.
3Ol jerde tutqınǵa alǵanlar bizlerden jır aytıwımızdı,
Bizlerge zulımlıq qılǵanlar shadlıq qosıǵın talap etip:
«Sion qosıqlarınan aytıńlar», – dedi.
4Bóten jurtta júrgenimizde,
Qalay Jaratqan Iyeniń qosıǵın ayta alamız?
5Háy, Erusalim, eger seni umıtsam,
Qolım saz sherte almay qalsın.
6Eger men seni eslemesem,
Erusalimdi eń úlken shadlıǵımnan ústem qoymasam,
Tilim qosıq ayta almay qalsın.
7Erusalim qulaǵan kúni,
Edomlılardıń ne islegenin esle, Jaratqan Iye.
Olar: «Qulatıń, tiykarına deyin jıǵıp taslań onı!» – degen edi.
8Háy, qız Babilon, sen wayran etileseń,
Bizlerge ne qılǵan bolsań,
Sonı seniń basıńa salatuǵınlar qanday baxıtlı!
9Bópelerińdi uslap alıp,
Tasqa urıp, shıl-párshe qılatuǵınlar qanday baxıtlı!
Copyright information for
KaaIBT22L