Psa 137 | KaaIBT22L | STEP | Dawıttıń jırı Shın júrekten Saǵan minnetdarshılıq bildiremen, Jaratqan Iye, Iláhiy barlıqlar aldında Saǵan saz shertip, alǵıslar aytaman.

‏ Psalms 137

1 Dawıttıń jırı
Shın júrekten Saǵan minnetdarshılıq bildiremen, Jaratqan Iye,
Iláhiy barlıqlar aldında Saǵan saz shertip, alǵıslar aytaman.
2 Muxaddes Ibadatxanań aldında tájim qılaman,
Súyispenshiligiń hám sadıqlıǵıń ushın,
Seniń atıńa minnetdarshılıq bildiremen.
Óz atıńdı hám sózińdi hámme nárseden joqarı qoydıń.
3 Shaqırǵanımda, maǵan juwap berdiń,
Meni jigerlendirip, júregimdi batır qıldıń.

4 Alǵıslasın Seni, Jaratqan Iye, jer júzindegi patshalardıń hámmesi,
Olar awzıńnan shıqqan sózlerdi esitti,
5 Islegen islerińdi qosıq qılıp aytsın,
Sen ullı dańqqa bólengenseń.

6 Jaratqan Iye, Sen joqarıda bolsań da,
Kishipeyil adamlarǵa názer awdarasań,
Menmenlerdi uzaqtan bileseń.

7 Qıyın jaǵdayda júrsem de, janımdı aman saqlaysań,
Dushpanlarımnıń ǵázebine qarsı qol kótereseń,
Oń qolıń meni qutqaradı.
8 Men ushın ósh alasań.
Súyispenshiligiń máńgidur, Jaratqan Iye,
Óziń jaratqanlardı taslap ketpe!