Psalms 139
1Atqarıwshılardıń jetekshisine. Dawıttıń jırı2Jaratqan Iye, meni jawızlardan qutqar,
Zalımlardan qorǵa.
3Olar júreklerinde jawız joba dúzedi,
Bárqulla urıs-jánjel qozǵaydı.
4Tillerin jılannıń tilindey ótkir qılar,
Awızlarında jılan záhári bar. Selah
5Jaratqan Iye, meni jamannıń qolınan saqla,
Zalımnan qorǵa.
Olar ayaǵımnan shalıp, meni qulatpaqshı.
6Menmenler men ushın duzaq qurdı,
Jawızlar jolıma tor tasladı,
Olar maǵan qaqpan qoydı. Selah
7Jaratqan Iye, Saǵan bılay dep aytaman:
«Qudayım – Senseń,
Jalbarınıwıma qulaq sal, Jaratqan Iye.
8Quday Iye, qúdiretli qutqarıwshım,
Sawash kúni Sen basımdı aman saqladıń.
9Jawızlardıń tileklerin orınlama, Jaratqan Iye,
Dúzgen jobaların tabıslı qılma,
Bolmasa, olar kókireklerin kóterip ketedi». Selah
10Meni qorshap alǵanlardıń awızlarınan shıqqan zulımlıqlar,
Ózleriniń basına tússin.
11Kómir shoǵı jawsın ústilerine!
Olar otqa, túpsiz shuqırlarǵa ılaqtırılsın,
Hasla qaytıp shıqpasın.
12Jalaxorlarǵa jer júzinde hasla orın qalmasın,
Apat zalımnıń izine túsip, joq qılsın.
13Bilemen, Jaratqan Iye, Sen ezilgenniń huqıqın qorǵaysań,
Jarlılarǵa ádalatlıq qılasań.
14Awa, pák adamlar atıńa alǵıs aytadı,
Haqlar Seniń dárgayıńda jasaydı.
Copyright information for
KaaIBT22L