Psalms 140
1Dawıttıń jırıSeni shaqıraman, Jaratqan Iye, járdemge asıq!
Seni shaqırǵanımda, dawısıma qulaq sal!
2Duwam xosh iyisli tútetkidey aldıńa jetip barsın,
Kótergen qollarım keshki sadaqa sıyaqlı bolsın!
3Awzıma qarawıl qoy, Jaratqan Iye,
Erinlerimniń esigin qorǵa.
4Júregim jamanlıqqa awıp ketpesin,
Jawız adamlardıń gúnalı islerine qatnaspayın,
Olardıń mazalı awqatlarınan jemeyin.
5Pák adam meni jazalasın – bul jaqsılıq,
Áshkaralasın – bul basıma súrtilgen may.
Duwam jawızlardıń islerine pútkilley qarsıdur.
6Olardıń basshıları jartastan ılaqtırıladı,
Sonda nahaqlar sózlerimniń durıs ekenin bilip aladı.
7Súriwshi jerdi jarıp, súrgenindey,
Súyeklerimiz óliler mákanınıń awzında shashıldı.
8Kózlerim Sende, Quday Iye,
Seni panalayman, janımdı qorǵawsız qaldırma!
9Jawızlardıń men ushın qurǵan duzaqlarınan,
Olar qoyǵan qaqpanlardan meni saqla.
10Jawızlar ózleri qoyǵan duzaqqa ózleri tússin,
Al men aman-esen ótip keteyin.
Copyright information for
KaaIBT22L