Psa 141 | KaaIBT22L | STEP | Úńgirde bolǵan waqıtta, Dawıttıń aytqan násiyat jırı. Duwa Dawıslap dad salaman Jaratqan Iyege, Dawıslap jalbarınaman Jaratqan Iyege.

‏ Psalms 141

1 Úńgirde bolǵan waqıtta, ^{▼▼ 1Pat 22:1-2; 24:1-22.} Dawıttıń aytqan násiyat jırı. Duwa
Dawıslap dad salaman Jaratqan Iyege,
Dawıslap jalbarınaman Jaratqan Iyege.

2 Oǵan dártlerimdi tógemen,
Onıń aldında qayǵılarımdı bayan etemen.
3 Ruwxım túskende,
Júrer jolımdı Sen bileseń.
Men júretuǵın soqpaqlarda,
Jawlarım duzaq qoyǵan.
4 Oń jaǵıma qarap kór,
Hesh kim meni oylamaydı,
Panalaytuǵın jerim qalmadı,
Hesh kim meni qayǵırmaydı.

5 Saǵan jalbarınaman, Jaratqan Iye,
«Sen meniń panamsań,
Tiriler áleminde úlesim Ózińseń», – dep jalbarınaman.
6 Dadıma qulaq sal,
Men júdá hálsiredim.
Izime túskenlerden qutqar meni,
Olar mennen kúshlirek.
7 Shıǵarıp al janımdı qamaqtan,
Solay etip, atıńa alǵıs aytayın.
Átirapımdı haq adamlar qorshaydı,
Sebebi Sen maǵan jaqsılıq qılasań.