Psalms 143
1Dawıttıń jırıQollarımdı urısqa,
Barmaqlarımdı sawashqa úyretken,
Qorǵawshı jartasım bolǵan Jaratqan Iyege alǵıslar bolsın!
2Ol meni súyedi, Ol meniń qorǵanım,
Bekinisim hám qutqarıwshım,
Ol meniń qalqanım hám panam,
Xalıqlardı Ol maǵan boysındıradı.
3Jaratqan Iye, Sen ǵamxorlıq qılǵanday, insan kim bolıptı?
Sen názerińdi salǵanday, adam balası kim bolıptı?
4Insan bir dem sıyaqlı,
Adamzattıń ómiri ótkinshi bir kóleńke yańlı.
5Jaratqan Iye, kóklerdi ashıp, tómenge tús,
Tawlarǵa qol tiygiz, olardan tútin shıqsın.
6Shaqmaq shaqtırıp, jawlardı shashıp tasla,
Oqlarıńdı atıp, olardı albırat.
7Joqarıdan qolıńdı sozıp, qutqar meni,
Tereń suwlardan shıǵarıp al meni,
Jat jurtlılardıń qolınan azat et.
8Olardıń awzı jalǵanǵa tolı,
Oń qolların kóterip, ótirik ant ishedi.
9Quday, Saǵan jańa qosıq aytaman,
On tarlı arfa shertip, Seni alǵıslayman.
10Patshalarǵa Sen jeńis sıylaysań,
Qulıń Dawıttı qılıshtan qutqarasań.
11Jat jerlilerdiń qolınan,
Meni qutqarıp, azat qıl.
Olardıń awzı jalǵanǵa tolı,
Oń qolların kóterip, ótirik ant ishedi.
12Ullarımız jaslıǵında jaqsı ósken ósimlikke uqsasın,
Qızlarımız saraydıń naǵıslı sútinleri sıyaqlı bolsın.
13Teleklerimiz túrli azıq-awqatlarǵa tolıp tassın.
Qoylarımız mıńlap, on mıńlap kóbeyip,
Jaylawlarımızdı toltırsın,
14Ógizlerimiz semiz bolsın.
Qorǵanlarımız hesh qashan tesilmesin,
Adamlarımız súrgin qılınbasın,
Kóshelerimizde zar jılaǵan dawıs shıqpasın!
15Usınday tilekleri ámelge asqan xalıq qanday baxıtlı!
Qudayı Jaratqan Iye bolǵan xalıq qanday baxıtlı!
Copyright information for
KaaIBT22L