Psalms 145
1Haliluya!Háy, janım, Jaratqan Iyege alǵıs-maqtawlar ayt.
2Tiri ekenmen, Jaratqan Iyege alǵıs-maqtawlar aytaman,
Bar ekenmen, Qudayıma saz shertip, Oǵan alǵıs aytaman.
3Úmit baylamań aqsúyeklerge,
Sizlerdi qutqara almaytuǵın insanlarǵa.
4Olardıń demi tawısılıp, topıraqqa qaytar,
Sol kúni-aq, oy-niyeti joq bolar.
5Qanday baxıtlı járdemshisi Yaqıptıń Qudayı bolǵan insanlar,
Úmiti Qudayı Jaratqan Iyede bolǵanlar!
6Aspandı, jerdi, teńizdi,
Hám olardaǵı pútkil barlıqtı jaratqan,
Máńgige sadıq bolǵan,
7Ezilgenlerge ádalatlıq qılatuǵın,
Ash bolǵanlarǵa nan beretuǵın Ol boladı.
Jaratqan Iye tutqınlardı azat qıladı,
8Soqırlardıń kózin ashadı,
Eki búgilgenlerdiń qáddin tikleydi,
Haq adamlardı súyedi.
9Jaratqan Iye kelgindilerdi qorǵaydı,
Jetim-jesirlerdi qollap quwatlaydı,
Jawızlardı jollarınan adastıradı.
10Húkimdarlıq qıladı Jaratqan Iye máńgige,
Sion, seniń Qudayıń húkimdar boladı áwladtan-áwladqa.
Haliluya!
Copyright information for
KaaIBT22L