Psalms 146
1Haliluya!Qanday jaqsı saz shertip, Qudayımızdı alǵıslaw!
Qanday lázzetli hám jarasıqlı Oǵan alǵıs-maqtaw aytıw.
2Erusalimdi qaytadan tikleytuǵın Jaratqan Iye boladı.
Izraildıń aydap áketilgenlerin jıynap aladı.
3Ol jaralı júreklerge shıpa beredi,
Olardıń jaraların tańadı.
4Ol juldızlardıń sanın esaplaydı,
Olardıń hámmesine at qoyadı.
5Iyemiz ullı hám qúdireti kúshli,
Sheksizdur Onıń danalıǵı.
6Ezilgenlerdi ayaqqa turǵızatuǵın Jaratqan Iye boladı,
Jawızlardı jer menen jeksen qıladı.
7Jaratqan Iyege shúkirlik jırların aytıń,
Qudayımızdı lira shertip alǵıslań.
8Ol kóklerdi bultlar menen qaplaydı,
Jer júzin jawın menen támiyinleydi,
Tawlarda ot-shóp ósiredi.
9Ol azıq beredi haywanlarǵa,
Ǵarqıldaǵan ǵarǵanıń palapanlarına.
10Ol attıń kúshine zawıqlanbaydı,
Jawıngerdiń kúshli ayaqlarınan lázzetlenbeydi.
11Jaratqan Iye Ózinen qorqqanlarǵa,
Súyispenshiligine úmit baylaǵanlarǵa ırza boladı.
Copyright information for
KaaIBT22L