Psalms 147
1Jaratqan Iyeni dańqqa bóle, háy, Erusalim!Qudayıńa alǵıslar ayt, háy, Sion!
2Dárwazalarıńnıń támbilerin Ol bekkemleydi,
Ishindegi balalarıńdı jarılqaydı.
3Elińe tınıshlıq beredi,
Seni eń jaqsı biyday menen toydıradı.
4Jer júzine Óz buyrıǵın jiberedi,
Onıń aytqan sózi tez jayıladı.
5Mamıqtay etip qar jawdıradı,
Qırawdı kúl kibi shashadı.
6Burshaqtı usaqtay etip jawdıradı,
Onıń qaqaman ayazına kim shıday aladı?
7Ózi buyrıq berip, muzlardı eritedi,
Samaldı estirip, suwlardı aǵızadı.
8Buyrıqların Yaqıptıń urpaǵına,
Qaǵıyda hám nızamların Izrailǵa bildirdi.
9Bunday qılmadı basqa xalıqlarǵa,
Olar Onıń nızamların bilmeydi.
Haliluya!
Copyright information for
KaaIBT22L