Psalms 148
1Haliluya!Kóklerden Jaratqan Iyege alǵıslar aytıń,
Biyik aspanda Oǵan alǵıslar aytıń!
2Onıń barlıq perishteleri, Oǵan alǵıslar aytıń,
Alǵıslar aytıń Oǵan, háy, pútkil aspan láshkerleri!
3Quyash, ay, Oǵan alǵıslar aytıń,
Alǵıslar aytıń Oǵan, háy, jarqıraǵan barlıq juldızlar!
4Aspanlar aspanı,
Kókler ústindegi suwlar,
Oǵan alǵıslar aytıń!
5Bular Jaratqan Iyeniń atına alǵıslar aytsın,
Ol buyrıq bergende, olar payda boldı,
6Olardı máńgi-baqıy bekkem ornattı,
Bul qaǵıyda hesh qashan biykar qılınbaydı.
7Jer júzinen Jaratqan Iyege alǵıslar aytıń:
Háy, teńizdegi náhán janzatlar, barlıq túpsiz teńizler,
8Shaqmaq, burshaq, qar hám bultlar,
Onıń buyrıǵına boysınatuǵın dawıllar,
9Tawlar, barlıq tóbeshikler,
Miywe aǵashları hám kedr aǵashları,
10Jabayı haywanlar hám úy haywanları,
Jer bawırlawshılar menen quslar,
11Jer júziniń patshaları, barlıq xalıqlar,
Aqsúyekler, jer júzindegi barlıq húkimdarlar,
12Jigitler hám qızlar,
Ǵarrılar hám jaslar!
13Hámmesi Jaratqan Iyeniń atına alǵıslar aytsın,
Jalǵız Onıń atı ullı.
Onıń ullılıǵı jer hám kókten bálent.
14Jaratqan Iye Óz xalqın kúshli qıldı,
Barlıq sadıq qullarınıń,
Ózine jaqın bolǵan xalıqtıń,
Izrail xalqınıń dańqın shıǵardı.
Haliluya!
Copyright information for
KaaIBT22L