Psalms 15
1Dawıttıń jırıSaqla meni, Quday!
Men Sennen pana tapqanman.
2Jaratqan Iyege bılay dedim: «Meniń Iyemseń,
Sennen basqa baxıt joq men ushın».
3Úlkedegi muxaddeslerge kelsek,
Ájayıpdur, maǵan qattı unaydı olar.
4Basqa qudaylarǵa ergenlerdiń dárti artadı,
Olardıń ishimlik sadaqası qan eken, buǵan qosılmayman,
Qudaylarınıń atların awzıma almayman.
5Maǵan tiyisli úlesim hám nesiybem Senseń, Jaratqan Iye,
Táǵdirim Seniń qolıńda.
6Ájayıp jerler tústi payıma,
Júdá jaǵımlı meniń úlesim.
7Maǵan násiyat bergen Jaratqan Iyege alǵıs aytaman,
Hátteki, túnlerde tálim berer júregim.
8Kózimdi ayırmayman Jaratqan Iyeden,
Ol oń jaǵımda bolǵanı ushın,
Hesh qashan súrnikpespen.
9Sonıń ushın, júregim quwanıshqa, janım yoshqa tolı,
Denem de tınıshlıq ishinde jasaydı.
10Sen meni óliler mákanına taslap ketpeyseń,
Sadıq qulıńdı qábirde qaldırmaysań.
11Ómir jolın maǵan kórseteseń,
Mol quwanısh bardur Seniń dárgayıńda,
Oń qolıń máńgi baxıt alıp keler maǵan.
Copyright information for
KaaIBT22L