Psalms 16
1Dawıttıń duwasıJaratqan Iye, ádillik ushın duwa etemen, esit meni,
Páriyadımdı tıńla,
Hiylesiz awzımnan shıqqan duwama qulaq sal!
2Óziń húkim etip, haqlıǵımdı kórset,
Kózleriń ádillikti kórsin.
3Júregimdi izertlep, túnde sınadıń,
Meni tolıq tekserseń de, hesh nárse tappadıń.
Awzım gúna qılmasın, dep qarar qıldım.
4Basqa adamlardıń qılmısların qılmadım,
Seniń awzıńnan shıqqan sózge ámel qılıp,
Zorlıq qılıw jolınan awlaq júrdim.
5Qádemlerim menen Seniń jolıńdı tuttım,
Hesh qashan tayıp ketpedi ayaqlarım.
6Saǵan jalbarınaman, Quday,
Sebebi maǵan juwap bereseń.
Qulaq sal, tıńla sózlerimdi!
7Kórset Óz súyispenshiligińdi,
Dushpanlarınan pana izlep,
Saǵan kelgenlerdi oń qolıń menen azat et!
8Kózińniń qarashıǵınday etip qorǵa meni,
Qanatlarıńnıń sayasına jasır,
9Jawızlardıń hújiminen,
Saqla meni janıma qas bolıp, qorshap alǵanlardan.
10Olardıń júreklerin may basqan,
Menmen sózler shıǵar awzınan.
11Olar izime túsken, qorshap alǵan,
Jerge urıw ushın maǵan kózlerin tikken.
12Olar meni tilkimlemekshi bolǵan arıslan kibi,
Buqqıda jatırǵan jırtqısh arıslan sıyaqlı.
13Kel, Jaratqan Iye, olarǵa qarsı tur,
Olardı dizerletip, tájim qıldır,
Qılıshıń menen napáklerden meni qutqar.
14Óz qolıń menen aman saqla, Jaratqan Iye,
Nesiybesi bul dúnyadan bolǵan adamlardan.
Qarınları Sen tayarlap qoyǵan jazaǵa toysın,
Balaları da jep toysın,
Awısıp qalǵanı olardıń balalarına da qalsın!
15Al men, haqlıqta Seniń júzińdi kóreyin,
Oyanıp, diydarıńa toyayın.
Copyright information for
KaaIBT22L