Psalms 18
1Atqarıwshılardıń jetekshisine. Dawıttıń jırı2Qudaydıń ullılıǵın kókler járiyalap turadı,
Onıń dóretpesi haqqında aspan gúmbezi xabarlaydı.
3Bunı kún kúnge járiyalaydı,
Tún túnge málim qıladı.
4Ol jerde bir sóz de, bir gáp te aytılmas,
Shıqpas olardan hesh qanday ses.
5Biraq xabarları hár tárepke tarqalar,
Sózleri dúnyanıń tórt tárepine jetip barar.
Quday quyash ushın kóklerde shatır qurdı.
6Quyash shımıldıqtan shıqqan kúyew balaǵa uqsaydı,
Juwırmaqshı bolǵan juwırıwshı yańlı quwanadı.
7Aspannıń bir shetinen shıǵıp,
Jolın basqa bir shetine qaray dawam etedi,
Onıń háwirinen hesh nárse jasırına almaydı.
8Jaratqan Iyeniń nızamı minsiz,
Ol janǵa jan qosar,
Jaratqan Iyeniń buyrıqları isenimli,
Ol sadanı dana qılar.
9Jaratqan Iyeniń pármanları durıs,
Júrekti shadlıqqa toltırar.
Jaratqan Iyeniń buyrıqları anıq,
Olar kózlerge nur berer.
10Jaratqan Iyeden qorqıw páklik,
Bul máńgi dawam eter.
Jaratqan Iyeniń qaǵıydaları haqıyqat,
Barlıǵı ádildur.
11Bular altınnan, sap altınnan da qádirli,
Pal kózgenekten tamǵan paldan da mazalı.
12Bular qulıń bolǵan maǵan násiyat berer,
Olarǵa ámel qılǵanlar ullı sıy alar.
13Kim óz qátesin kóre aladı?
Bilmey qılǵan gúnalarımnan Óziń pákle.
14Bile tura gúna islewden saqla qulıńdı,
Gúnanıń meni basqarıwına jol qoyma!
Sonda men minsiz bolaman,
Awır gúnadan da uzaqta bolaman.
15Awzımnan shıqqan sózler,
Júregimdegi oy-pikirler,
Seniń aldıńda maqul bolsın,
Jaratqan Iye, qorǵawshı jartasım, ámeńgerim!
Copyright information for
KaaIBT22L