Psalms 19
1Atqarıwshılardıń jetekshisine. Dawıttıń jırı2Qıyınshılıqta qalǵanıńda, Jaratqan Iye juwap bersin,
Yaqıptıń Qudayınıń atı seni aman saqlasın!
3Járdem jibersin saǵan muxaddes Ibadatxanasınan,
Sionnan Ol saǵan súyenish bolsın.
4Barlıq sadaqalarıńdı yadında saqlasın,
Jandırılatuǵın qurbanlıqlarıńa ırazı bolsın! Selah
5Kewlińdegini bersin saǵan,
Barlıq jobalarıńdı júzege asırsın!
6Sonda jeńisiń ushın shadlanıp baqıramız,
Qudayımızdıń atı menen bayraqlarımızdı ornatamız,
Jaratqan Iye barlıq tilegińdi júzege asırsın.
7Bilemen, Jaratqan Iye Ózi maylaǵan patshaǵa jeńis berer,
Oń qolınıń qutqarıw kúshi menen,
Muxaddes aspanınan oǵan juwap berer.
8Bazılar sawash arbalarǵa,
Bazılar atlarǵa isenedi,
Bizler Qudayımız Jaratqan Iyeniń atın aytıp shaqıramız.
9Olar qulap, jerge shógedi,
Bizler turıp, tikleymiz qáddimizdi.
10Jaratqan Iye, patshamızǵa jeńis sıyla,
Juwap bere gór Saǵan jalbarınǵanımızda!
Copyright information for
KaaIBT22L