Psalms 2
1Ne ushın kóterilis qıladı milletler?Nege biyhuda jobalar dúzedi xalıqlar?
2Jaratqan Iyege hám Onıń maylaǵan patshasına,
Qarsı sap tartıp turar jer júzindegi patshalar,
Til biriktirip, bılay deydi húkimdarlar:
3«Sındırayıq olardıń salǵan kisenlerin,
Ílaqtırayıq moynımızdaǵı buǵawların».
4Kókte otırǵan Iye bolsa,
Olardı masqaralap, ústinen kúler.
5Keyin Ol ashıwlanıp, olardı eskerter,
Ǵázebi menen qorqınıshqa salıp, bılay der:
6«Men muxaddes tawım bolǵan Sionǵa,
Ózimniń patshamdı otırǵızdım».
7Jaratqan Iyeniń qararın járiya qılaman:
Ol maǵan bılay dedi:
«Sen Meniń ulımsań,
Búgin Men saǵan Áke boldım.
8Sora Mennen, xalıqlardı qolıńa beremen,
Iyeligińe jer júziniń tórt tárepin tapsıraman.
9Temir hasa menen olardı urıp ezeseń,
Ílay ıdıstay etip, sındırasań».
10Háy patshalar, aqıl menen is tutıń!
Háy dúnyadaǵı húkimdarlar, sabaq alıń!
11Qorqıw menen Jaratqan Iyege xızmet etiń,
Múláyimlik penen shadlanıń.
12Onıń ulınıń aldında bas iyiń,
Bolmasa, Onıń ǵázebi qaynar,
Sizler de ómir jolıńızda birden joq bolarsız.
Onıń qáhári tez lawlap janar.
Qanday baxıtlı Onnan pana tapqanlar!
Copyright information for
KaaIBT22L