Psalms 20
1Atqarıwshılardıń jetekshisine. Dawıttıń jırı2Jaratqan Iye, qúdiretińe patsha quwanar,
Bergen jeńisińe sonday shadlanar!
3Júregindegi arzıw-ármanına jetkerdiń,
Awzınan shıqqan tileginen bas tartpadıń. Selah
4Onı ullı jarılqawlar menen qarsı aldıń,
Basına sap altınnan taj kiydirdiń.
5Sennen ómir soraǵanda, ómir berdiń,
Uzaq, máńgi-baqıy ómir sıyladıń.
6Jeńis berip, onı ullı dańqqa bólediń,
Onı saltanat hám ullılıqqa bólediń.
7Onıń ústine máńgi bereket jawdırdıń,
Qasında bolıp, shadlıqqa toltırdıń.
8Patsha Jaratqan Iyege úmit baylaydı,
Quday Taalanıń súyispenshiligi arqalı súrnikpeydi.
9Qolıń barlıq dushpanlarıńdı,
Oń qolıń Seni jek kóretuǵınlardı tabadı.
10Jaratqan Iye, Sen kelgen waqtıńda,
Qızǵan tandırday qılasań olardı.
Óz ǵázebiń menen olardı jutıp,
Jalın menen jandırasań.
11Joq eteseń urpaqların jer júzinen,
Zúryadın adamlar arasınan.
12Dushpanlarıń jamanlıq jobasın dúzip,
Saǵan qarsı jawızlıq oylasa da,
Olar hesh nársege erise almaydı.
13Oq jayıńdı kerip, júzine gózlep,
Artına qashıwǵa májbúrleyseń.
14Ullılıǵıń menen kóteril, Jaratqan Iye!
Qúdiretińdi saz shertip, jırlayıq.
Copyright information for
KaaIBT22L