Psalms 23
1Dawıttıń jırıJaratqan Iyege tiyisli jer júzi hám onı toltırıp turǵanlar,
Álem hám onda jasaytuǵınlar.
2Ol teńizlerdiń ústine jerdi ornatıp,
Onı bekkemledi suwlar ústine.
3Jaratqan Iyeniń tawına kim shıǵıwı múmkin?
Onıń muxaddes jerinde kim turıwı múmkin?
4Qolları pák, júregi taza bolǵan,
Kewlin jalǵan nárselerge bermegen,
Jalǵannan ant ishpegen adam.
5Ol Jaratqan Iyeden jarılqaw aladı,
Qutqarıwshısı Quday onı aqlaydı.
6Jaratqan Iyeni izlegenler,
Onıń júzin kóriwdi tilegen Yaqıptıń násili sonday boladı. Selah
7Keń ashılıń, háy dárwazalar!
Ashılıń, háy ázelgi qapılar!
Ullı Patsha kirsin ishke!
8Kim bul ullı Patsha?
Ol – Jaratqan Iyedur, kúshli hám qúdiretli,
Sawashlarda qúdiretli bolǵan Jaratqan Iye.
9Kóterilip ashılıń, háy dárwazalar!
Ashılıń, háy ázelgi qapılar!
Ullı Patsha kirsin ishke!
10Kim bul ullı Patsha?
Ol – Álemniń Jaratqan Iyesi,
Ol – ullı Patsha! Selah
Copyright information for
KaaIBT22L