‏ Psalms 24

1Dawıttıń jırı
Jaratqan Iye, pútkil barlıǵım menen Saǵan jaqınlasaman,
2Qudayım, Sennen úmit qılaman,
Men uyatqa qalmayın,
Dushpanlarım mennen ústin shıǵıp, yoshlanbasın.
3Saǵan úmit baylaǵan hasla uyatqa qalmas,
Sebepsiz qıyanet etetuǵınlar uyatqa qalar.

4Jaratqan Iye, jollarıńdı kórset,
Óz soqpaqlarıńdı túsindir maǵan.
5Haqıyqatlıqqa jetelep, úyret maǵan,
Qutqarıwshım Quday Ózińseń.
Kúni boyı úmitim Sennen.
6Jaratqan Iye, rehimińdi hám súyispenshiligińdi esle,
Bardur bular ázelden beri.
7Eske alma jaslıqtaǵı gúna hám qılmıslarımdı,
Súyispenshiligiń hám iygiligiń haqı,
Meni esle, Jaratqan Iye.

8Jaratqan Iye jaqsı hám ádalatlıdur!
Sonıń ushın, gúnakarlarǵa jol kórseter.
9Kishipeyillerdi ádillik jolı menen alıp júrer,
Olarǵa Óz jolın úyreter.
10Kelisimdegi shártlerge ámel qılǵanlar ushın,
Jaratqan Iyeniń soqpaqları súyispenshilik hám sadıqlıqqa tolıdur.

11Meniń ayıplarım kóp,
Jaratqan Iye, Óz atıń ushın,
Ayıplarımdı keshir.
12Kim Jaratqan Iyeden qorqsa,
Jaratqan Iye oǵan tańlaytuǵın joldı kórseter.
13Ol adam baxıtlı jasar,
Onıń násili eldi múlik etip alar.
14Jaratqan Iye Ózinen qorqqanlarǵa sırlas bolar,
Kelisimin olarǵa bildirer.
15Kózlerim hámme waqıtta Jaratqan Iye tárepte,
Ol azat qılar tordan ayaqlarımdı.
16Awhalıma qara, rehim qıl maǵan,
Jalǵızban hám ezilgenmen.
17Artıp barmaqta júregimdegi qayǵılar,
Usı dártlerden meni qutqar!
18Azap-aqıretime qara,
Keshir barlıq gúnalarımdı!
19Dushpanlarıma qara, qanshelli kóbeygen,
Jawızlarsha olar meni jek kóredi!
20Janımdı saqlap, qutqara gór!
Shermende qıla górme,
Men Sennen pana tapqanman!
21Shınlıq hám ádillik meni qorǵasın,
Saǵan úmit baylaǵanman.

22Quday, qutqar Izraildı,
Barlıq qayǵı-hásiretlerinen.