Psalms 25
1Dawıttıń jırıMeni aqla, Jaratqan Iye,
Men pák joldan júrdim,
Ekilenbesten Jaratqan Iyege úmit bayladım.
2Jaratqan Iye, meni tekserip, imtixannan ótker,
Júregim hám niyetimdi sınap kór.
3Súyispenshiligiń kóz aldımda,
Seniń sadıqlıǵıń meni jetekler.
4Ótirikshiler menen birge otırmayman,
Eki júzliler menen dos bolmayman.
5Napákler toparın jek kóremen,
Zulımlardıń arasında otırmayman.
6Kórsetiw ushın ayıpsızlıǵımdı,
Juwaman qollarımdı, Jaratqan Iye,
Qurbanlıq ornıńdı aylanıp júremen.
7Bálent dawıs penen alǵıs qosıǵın aytaman,
Táriyipleymen, barlıq ájayıp islerińdi.
8Jaqsı kóremen, Jaratqan Iye, Sen mákan qılǵan Úydi,
Seniń saltanatıń ornalasqan jerdi.
9Gúnakarlar menen birge janımdı alma,
Qanxorlar qatarında ómirime shek qoyma.
10Jawız joba dúzedi olardıń qolları,
Oń qolları paraǵa tolı.
11Al men pák ómir súremen,
Qutqar meni, rehim qıl maǵan!
12Ayaqlarım tegis jerde turıptı,
Jaratqan Iye, ullı jıyında alǵıslayman Seni.
Copyright information for
KaaIBT22L