Psalms 28
1Dawıttıń jırıHáy, iláhiy barlıqlar, Jaratqan Iyeni alǵıslań,
Jaratqan Iyeniń saltanatın hám qúdiretin alǵıslań,
2Jaratqan Iyeniń ullı atın alǵıslań,
Muxaddes sán-sawlatqa bólengen Jaratqan Iyege sıyınıń!
3Suw betinde esitiler Jaratqan Iyeniń dawısı,
Ullı Quday gúrkirep, dawıs shıǵarar,
Sheksiz suw betinde esitiler Jaratqan Iyeniń jańǵırıǵı.
4Jaratqan Iyeniń dawısı kúshlidur,
Jaratqan Iyeniń dawısı saltanatlıdur.
5Jaratqan Iyeniń dawısı kedr aǵashların sındırar,
Hátteki, Lebanondaǵı kedr aǵashların maydalap taslar.
6Ol Lebanon tawın buzawday etip,
Siryon tawın jabayı tanaday etip, sekirter.
7Shaqmaq shaqtırar Jaratqan Iyeniń dawısı,
8Shólistandı titireter Onıń dawısı,
Jaratqan Iye Qadesh shólin lárzege salar.
9Jaratqan Iyeniń dawısı suwınlardı tuwdırar,
Toǵaylardı jalańashlar.
Onıń Ibadatxanasında hámme «Dańq bolsın!» dep baqırısar.
10Jaratqan Iye topan suwı ústine taxtın qurdı,
Ol máńgi patsha bolıp qaladı.
11Jaratqan Iye Óz xalqına kúsh baǵıshlar,
Xalqın tınıshlıq penen jarılqar!
Copyright information for
KaaIBT22L