Psalms 3
1Dawıttıń óz ulı Abshalomnan qashqan waqıtta ▼ jazǵan jırı2Jaratqan Iye, sonshelli kóp dushpanlarım,
Maǵan qarsı bas kóterip atır kóp adam!
3Kópler men haqqında:
«Qudaydan oǵan qutqarılıw joq», – dep aytar. Selah ▼
▼ Selah – bul saz termini bolıwı múmkin. Mánisi belgisiz.
4Biraq Sen Jaratqan Iye, meniń qalqanımsań,
Meni dańqqa bólep, basımdı joqarı kótereseń.
5Járdem sorap, Jaratqan Iyege jalbarınaman,
Juwap berer Ol maǵan muxaddes tawınan. Selah
6Jaratqan Iye meni qorǵaǵanı sebepli,
Jataman, uyıqlayman, jáne aman-esen turaman.
7Hár tárepten qorshap turǵan,
On mıńlaǵan jawlardan qorqpayman.
8Jaratqan Iye, tur,
Qudayım, meni qutqar!
Sen barlıq dushpanlarımnıń júzine urdıń,
Jawızlardıń tislerin sındırdıń.
9Qutqarılıw Jaratqan Iyeden keler,
Xalqıńnıń ústine jawsın bereketiń! Selah
Copyright information for
KaaIBT22L