Psalms 31
1Dawıttıń násiyat jırıQılmısları keshirilgenler,
Gúnaları alıp taslanǵanlar qanday baxıtlı!
2Jaratqan Iye tárepinen ayıplı sanalmaǵan,
Kewlinde sumlıq bolmaǵan adam qanday baxıtlı!
3Gúnamdı moyınlawdan bas tartqanımda,
Zar jılap júrgenlikten kúni boyı,
Súyeklerim kewip qaldı.
4Kúni-túni qolıń ústimde awır júk boldı,
Saratan ıssısınıń qurǵaqshılıǵı yańlı, dármanım qalmadı. Selah
5Sonda gúnamdı aldıńda moyınladım,
Ayıbımdı jasırmay, bılay dedim:
«Jaratqan Iyeniń aldında qılmısımdı tán alaman».
Al Sen ayıp-gúnalarımdı keshirdiń. Selah
6Sonıń ushın, hár bir sadıq qulıń,
Múmkinshilik bar waqıtta duwa etsin.
Sonda topan suwı tasıp ketse de, oǵan jetip barmas.
7Sen meniń panamsań,
Meni qáwip-qáterden saqlaysań,
Maǵan bergen qutqarılıwıń sebepli,
Átirapımdaǵılardı shadlıqqa bólediń. Selah
8Jaratqan Iye bılay deydi:
«Saǵan aqıl-násiyat beremen,
Júretuǵın jolıńdı kórsetemen,
Másláhát berip, názerimnen qashırmayman.
9At yamasa ǵashırday oysız bolmań,
Suwlıq hám júwen kerek olardı jolǵa salıw ushın,
Bolmasa, olar boysınbaydı».
10Napáklerdiń azabı kóp boladı,
Biraq Jaratqan Iyege úmit etkenlerdi,
Onıń súyispenshiligi qorshap aladı.
11Háy, haq adamlar,
Jaratqan Iyede quwanıp, shadlanıń,
Háy, júregi pák bolǵanlar,
Hámmeńiz shadlanıp baqırıń!
Copyright information for
KaaIBT22L