Psalms 35
1Atqarıwshılardıń jetekshisine. Jaratqan Iyeniń qulı Dawıttıń jırı2Nahaqtıń gúnası júreginde sóyleydi.
Qudaydan qorqıw joq onıń kewlinde.
3Ol ózin joqarı qoyıp,
Gúnamdı Quday kórmeydi,
Húkim qılmaydı, dep aytadı.
4Awzınan jamanlıq hám jalǵan shıǵar,
Danalıqtan hám jaqsılıq qılıwdan bas tartar.
5Hátteki, jatqanda da, napáklikti oylar,
Jaman jolǵa túsip, bas tartpas jawızlıqtan.
6Jaratqan Iye, súyispenshiligiń kóklerge,
Sadıqlıǵıń bultlarǵa jayılǵandur.
7Ádilligiń ullı tawlarǵa megzer,
Ádalatıń túpsiz teńizge uqsar.
Sen adamzattı da, haywandı da qorǵaysań, Jaratqan Iye!
8Súyispenshiligiń qanshelli bahalıdur, Quday!
Qanatlarıńnıń sayasında pana tabar adamlar.
9Olar jep toyar úyińdegi molshılıqtan,
Olarǵa ishkizerseń lázzetke tolı dáryańnan.
10Ómir bulaǵı Sende,
Jaqtılıqtı kóremiz nurıń arqalı.
11Seni tanıytuǵınlarǵa súyispenshiligińdi,
Júregi páklerge haqlıǵıńdı kórset.
12Menmenniń ayaǵı meni baspasın,
Napáklerdiń qolları meni quwmasın.
13Qara, jawızlıq islewshiler jerge jıǵıldı,
Qaytıp tura almastay etip, tómenge ılaqtırıldı.
Copyright information for
KaaIBT22L