Psalms 4
1Atqarıwshılardıń jetekshisine. Tarlı saz ásbaplar menen aytılatuǵın Dawıttıń jırı2Meniń huqıqımdı qorǵawshı Quday!
Jalbarınǵanımda juwap ber maǵan!
Qıyınshılıqta qalǵanımda, meni azat qıldıń,
Rehim etip maǵan, qulaq sal duwama.
3Háy, insanlar, qashanǵa deyin atıma daq túsiresiz?
Qashanǵa deyin biyhuda nárselerge kewil berip,
Qashanǵa deyin jalǵannıń izinen júresiz? Selah
4Bilińler, Jaratqan Iye Ózine sadıq adamdı tańlar,
Jalbarınsam, Ol meni esiter.
5Ǵázeplenip, gúna islemeń,
Tósekte jatqanıńızda, oylanıń hám tınıshlanıń. Selah
6Jaratqan Iyege maqul bolǵan qurbanlıqlar usınıp,
Oǵan úmit baylań.
7«Kim bizlerge jaqsılıq qıladı?» – dep aytatuǵınlar kóp,
Jaratqan Iye, júzińniń nurın ústimizge tók!
8Quwanar dán hám sharabı mol bolǵanlar,
Sen júregime onnan da kóp shadlıq berdiń.
9Jatqanımda, tınısh uyıqlayman,
Jalǵız Sen, Jaratqan Iye,
Amanlıq ishinde saqlaysań meni.
Copyright information for
KaaIBT22L