Psalms 40
1Atqarıwshılardıń jetekshisine. Dawıttıń jırı2Qanday baxıtlı jarlını oylaytuǵın!
Apat kúninde onı Jaratqan Iye qutqarar.
3Jaratqan Iye onı qorǵap, ómirin saqlar,
Ol elde baxıtlı bolar,
Dushpanlarınıń qolına tapsırılmas.
4Tósekte jatıp qalǵanında,
Járdem berer oǵan Jaratqan Iye,
Onı keselinen tolıq ayıqtırar.
5Men: «Oh, Jaratqan Iye, maǵan rehim qıl,
Saǵan qarsı gúna qıldım, shıpa ber!» – dedim.
6Dushpanlarım jawız niyet penen:
«Qashan ólip, atı ósher eken?» – deydi.
7Olar meni kóriw ushın kelgende, jalǵan sóyleydi,
Ishinen ósek sózler toqıydı,
Keyin sırtqa shıǵıp, ósek tarqatadı.
8Meni jek kóretuǵınlardıń hámmesi,
Maǵan zıyan tiygiziwdi jobalastıradı,
Birgelikte men haqqında sıbırlasıp:
9«Awır kesellikke shalınǵan ol,
Endi tura almas tóseginen», – deydi.
10Meniń nanımdı jegen jaqın dostım,
Maǵan qarsı qol kóterdi.
11Sen maǵan rehim qıl, ayaqqa turǵız, Jaratqan Iye,
Qılmıslarına jarasa, ózlerine qaytarayın.
12Dushpanlarım mennen ústin shıqpasa,
Maǵan kewliń tolǵanın bilemen.
13Ayıpsızlıǵım ushın meni aman saqlaysań,
Meni dárgayıńda máńgi turǵızasań.
14Ázelden máńgige deyin,
Izraildıń Qudayı Jaratqan Iyege alǵıslar bolsın!
Awmiyin! Awmiyin!
Copyright information for
KaaIBT22L