Psalms 45
1Atqarıwshılardıń jetekshisine. Qorax áwladınıń qosıǵı. Joqarǵı dawısta aytıladı2Quday bizlerdiń panamız hám kúshimiz,
Apatta qalǵanımızda, isenimli járdemshimiz.
3Sonıń ushın, qorqpaymız jer qıymıldasa da,
Tawlar teńizlerdiń túbine qulasa da.
4Olardıń suwları gúrkirep, joqarı kóterilse de,
Kúshli tolqınlar tawlardı titiretse de. Selah
5Bir dárya bar, suwları quwanısh alıp keler Qudaydıń qalasına,
Quday Taalanıń muxaddes mákanına.
6Qalada Quday bolǵanı ushın,
Qala hesh qashan qulamastan turar.
Tań atıwdan, Quday oǵan járdem berer.
7Milletler shuwlasıp, patshalıqlar qular,
Qudaydıń dawısı gúrkirep, jer júzi erip keter.
8Álemniń Jaratqan Iyesi bizler menen birgedur,
Yaqıptıń Qudayı qorǵanımızdur. Selah
9Keliń, kóriń Jaratqan Iyeniń islerin,
Jer júzine alıp kelgen apatın.
10Ol jer júzindegi sawashlardı toqtatar,
Sadaqlardı sındırıp, nayzalardı bóleklep,
Qalqanlardı otqa jaǵıp, bılay der:
11«Toqtań hám biliń, Men Qudayman!
Men ullılanaman xalıqlar arasında,
Ullılanaman jer júzinde!»
12Álemniń Jaratqan Iyesi bizler menen birgedur,
Yaqıptıń Qudayı qorǵanımızdur. Selah
Copyright information for
KaaIBT22L